മണിക്കുട്ടനെ വെറുതെ വിടില്ല എന്ന് റംസാൻ. മണിക്കുട്ടനെതിരെ ബിഗ് ബോസ്സ് ഹൗസിൽ ഗ്രൂപ്പിസം..

0

ബിഗ് ബോസ് മൂന്നാം ദിവസം കാണുന്ന ആരും സിനിമാതാരം അശ്വതിയുടെ റിവ്യൂ മിസ്സ് ആക്കാറില്ല. അത്ര മനോഹരമായാണ് അവർ ബിഗ് ബോസിലെ ഓരോ എപ്പിസോഡും വിലയിരുത്തുന്നത്. അശ്വതിയുടെ ഇന്നലത്തെ കുറുപ്പ് കാണാം.

ധിദെന്താപ്പ നടന്നെ?? മോർണിംഗ് ആക്ടിവിറ്റി തന്നല്ലേ ??
എല്ലാം സമ്മതിച്ചു, മണിക്കുട്ടൻ കിടിലുവിനെ ആണ് ടാസ്കിൽ പറഞ്ഞത്.എന്നാൽ ഇതിന്റിടക്കു റംസാന്റെ ഷോ ഓഫ്‌ എന്തിനാരുന്നു എന്നു എനിക്കൊരെത്തും പിടിയും കിട്ടിയില്ല. ആവശ്യമില്ലാത്ത ഷോ ഓഫ്‌. അന്നേരം എനിക്ക് രാവണപ്രഭുവിൽ മംഗലശ്ശേരി നീലകണ്ഠൻ മുണ്ടക്കലെ രാജേന്ദ്രനോട് ക്ലൈമാക്സിൽ പറയുന്ന ഡയലോഗ് ആണ് ഓർമ വന്നത്. കിടിലുവിനെ കുറിച്ച് മണിക്കുട്ടൻ പറഞ്ഞപ്പോൾ കൊണ്ടത് റാംസാനു ആയിരുന്നോ? അപ്പൊ അതു പക്കാ ഗ്രൂപ്പിസം തന്നെ ആയിരുന്നില്ലേ. അല്ലെങ്കിൽ കിടിലു എങ്കിലും അറ്റ്ലീസ്റ്റ് പറയണം റംസാനെ ഇത് ഞാനും മണിക്കുട്ടനും തമ്മിൽ അല്ലെ അതു തീർക്കട്ടെ എന്നു. പറഞ്ഞില്ല…മൊത്തത്തിൽ “തന്നോ??.. ഇല്ലാ, ചോദിച്ചു വാങ്ങി” എന്ന മട്ടു ആയിരുന്നു. രണ്ടു കൂട്ടരും.

ടാസ്കിനിടക്ക് സായി, സൂര്യയെ മണിക്കൂട്ടനുമായി ചേർത്ത് സംസാരിച്ചപ്പോൾ നമ്മടെ സൂര്യയുടെ ശൗര്യം ആരേലും കണ്ടോ?? ഹമ്പോ.. ഇനി സായി, സൂര്യ അടിക്കാണ് വെയ്റ്റിംഗ്.

ഒരു മാലപ്പടക്കം പൊട്ടി തീർന്നല്ലോ എന്നു ആശ്വസിച്ചു ഇച്ചിരി വെള്ളം കുടിച്ചു കഴിഞ്ഞപ്പോൾ ഉണ്ട് ദെ അടുത്തത്. രമ്യയും ഋതുവും. അതുപിന്നെ ഒരു ഓലപടക്കം പോലങ്ങു പോയി.. ഓഹ് കാര്യമില്ല. “പുച്ഛം” ആയിരുന്നു മെയിൻ റോൾ.

മണിക്കുട്ടനെ കഴിഞ്ഞ കുറച്ചു ദിവസമായി ശ്രദ്ധിക്കുന്നു ഒരു വഴക്കൊ തർക്കമോ കഴിഞ്ഞാൽ അതിനെ അവിടേം ഇവിടേം വന്നിരുന്നു സംസാരിക്കുന്നു, ക്യാമറ നോക്കി സംസാരിക്കുന്നു. മണിക്കുട്ടൻ അങ്ങനെ ആയിരുന്നില്ല എന്നാണ് എന്റെ ഒരു ഓർമ. എനിക്കപ്പോൾ ഫീൽ ചെയ്തത് സ്വയം ഒറ്റപ്പെടൽ മണിക്കുട്ടൻ അല്ലെ ഇപ്പോൾ ഏറ്റെടുക്കുന്നത് എന്നാണ്. എന്തോ രണ്ടാം വരവിലെ പുതിയ സ്ട്രേറ്റേജി ആയിരിക്കാം അല്ലെ. അതുപോലെ എനിക്കു തോന്നിയിട്ടുള്ളത് കിടിലു ഓരോരുത്തരെ കുറിച്ച് നോബിചേട്ടനോട് എപ്പോഴും സംസാരിക്കുന്നത്, ആരെ കുറിച്ച് ആണോ പറയുന്നത് ആയാളുടെ സ്വഭാവം ഇങ്ങനെ ആണ് എന്നു പ്രേക്ഷകരെ അറിയിക്കാൻ ഉള്ള ശ്രമം പോലെ ആയിട്ടാണ്.കിടിലുവിന്റെ വാക്കുകൾ ശ്രദ്ധിച്ചാൽ അതു മനസിലാകും.

“പാവക്കുത്തു” വീക്കിലി ടാസ്ക്… ഇതെന്തു ഗെയിം രണ്ടു ഗ്രൂപ്പിൽ ഒന്ന് കുട്ടികളുടെ ഗ്രൂപ്പും, മറ്റൊന്ന് പാവകൾ ഗ്രൂപ്പും.. പാവയെയും കളിപ്പിച്ചു നടക്കുന്നു എന്നൊക്കെ കരുതി ഇരുന്നപ്പോൾ ബോസ്സേട്ടൻ വിളിപ്പിച്ചു മക്കളെ ഇങ്ങനെ പാവേനെ “ചൂക്കുടുപുക്കുടു” എന്നു കളിപ്പിച്ചോണ്ടിരിക്കലല്ല ഇത് കളി വേറെ ആണേ എന്നു… അപ്പോളല്ലേ എല്ലാർക്കും പിടിക്കിട്ടിയത് ഇതെങ്ങനെ കളിക്കണം എന്നു… മെന്റലി അല്ലേൽ ഫിസിക്കലി പാവ ഗ്രൂപ്പിനെ കുട്ടികളുടെ ഗ്രൂപ്പ് പുറത്താക്കണം. മെന്റല്ലി തളർത്താൻ പിന്നെ അവിടെ ആർക്കും പഠിപ്പിച്ചു കൊടുക്കണ്ടല്ലോ അപ്പൊ ഇനി എങ്ങനെ ആകുമെന്ന് കണ്ടറിയാം.

രാത്രി മീറ്റിംഗിൽ രാവിലത്തെ വഴക്കിൽ മണിക്കുട്ടന്റെ ഫിസിക്കൽ പ്രോബ്ലത്തെ കുറിച്ച് റംസാൻ പരാമർശിച്ചതിനെ കുറിച്ച് ആയിരുന്നു. റംസാൻ പിന്നൊന്നും സമ്മതിച്ചു കൊടുത്തു കണ്ടിട്ടില്ല. അതിനെ എങ്ങനേലും തിരിച്ചും മറിച്ചും വാദിയെ പ്രതി ആക്കി കൈയിൽ തരും. എന്തായാലും ഇപ്പോൾ ശെരിക്കു രണ്ടു ഗ്രൂപ്പാണ് വീട്ടിൽ. മണിക്കുട്ടൻ, സായി, രമ്യ ഒരു ഗ്രൂപ്പ്‌. കിടിലു, സൂര്യ, നോബിചേട്ടൻ, റംസാൻ മറ്റൊരു ഗ്രൂപ്പ്‌.. ഋതു അവിടെയും ഉണ്ട് ഇവിടെയും ഉണ്ട് കുമ്പിടി ആണ്. അനൂപ് ഒന്നിലും ഇല്ലാ ഒറ്റയ്ക്ക് നിൽക്കുന്നു.

ഇന്ന് റംസാൻ പറഞ്ഞ “മണിക്കുട്ടന്റെ വലതുഭാഗത്തുള്ള ഫിസിക്കൽ ഭയം” എന്ന വാക്ക് ആയിരുന്നു താരം. അതൊന്നു ക്ലിയർ ചെയ്തു കൊട് ബോസപ്പാ.