കാമാത്തിപുരയുടെ റാണി ഗംഗുബായിയുടെ ജീവിതത്തിൽ സംഭവിച്ചത്!

0
gangubai...
gangubai...

കാമുകനാലും, അതെ പോലെ തന്നെ ഭര്‍ത്താവ്,അച്ഛൻ, സഹോദരൻ എന്നിവരാൽ ചതിക്കപ്പെട്ട് ആയിരക്കണക്കിന് പെണ്‍കുട്ടികളാണ് കാമാത്തിപുരയില്‍ എത്തിയിട്ടുള്ളത്.ഒരു ആശ്രയത്തിന് അല്ലെങ്കിൽ ജീവിക്കാൻ മറ്റൊരു മാർഗ്ഗം ഇല്ലാതെ  പെരുവഴിയില്‍ അക്രമിക്കപ്പെട്ട് മരിക്കാതിരിക്കാന്‍ വേണ്ടി ഇവിടെ എത്തപ്പെട്ടവരും ഉണ്ട്. ഈ ചുവന്ന തെരുവിലേക്ക് വലിച്ചെറിയപ്പെട്ട പെണ്‍കുട്ടികളുടെ അഭിമാനത്തില്‍ കുതിര്‍ന്ന കണ്ണീര് വീണ് നനഞ്ഞ സ്ഥലമാണ് കാമാത്തിപുര. അതെ പോലെ തന്നെയുള്ള  ഒരു സ്ത്രീ ആണ് ഗംഗുബായ് കത്തിയവാഡി.വളരെയധികം അക്രമികളും ഗുണ്ടകളും തിങ്ങി നിറഞ്ഞ ആ തെരുവില്‍ ശക്തമായി പട പൊരുതി സ്വന്തം സാമ്രാജ്യം പടുത്തുയര്‍ത്തിയവള്‍. ചുവന്ന വട്ടപ്പൊട്ടിട്ട്, തൂവെള്ള സാരിയുടുത്ത, കാമാത്തിപുരയുടെ റാണി. സഞ്ജയ് ലീല ബന്‍സാലി ഗംഗുബായിയുടെ കഥ സിനിമയാക്കുമ്പോൾ സോഷ്യല്‍ മീഡിയയില്‍ വലിയ ചര്‍ച്ചയാകുന്നതും അതുകൊണ്ടു തന്നെയാണ്. ചിത്രത്തില്‍ ഗംഗുബായിയുടെ വേഷം അവതരിപ്പിക്കുന്നത് ആലിയ ഭട്ടാണ്.ഗംഗുബായ് ആരാണ്, എങ്ങനെയാണ് അവര്‍ ചുവന്നതെരുവില്‍ എത്തപ്പെട്ടത്? 1960 കാലഘട്ടത്തില്‍ കാമാത്തിപുരയിലെ അനവധി വേശ്യാലയങ്ങളുടെ ഉടമയായിരുന്നു ഗംഗുബായ്. തന്റേതായ നിലപാടുകൾ കൊണ്ട്  അധോലോകവുമായുള്ള ബന്ധങ്ങള്‍ വഴി ചുവന്ന തെരുവില്‍ അവര്‍ ശക്തമായ  ആധിപത്യം പുലര്‍ത്തി.

Gangubai
Gangubai

ആ കാലഘട്ടത്തില്‍  അധോലോകം വാണിരുന്ന ഹാജി മസ്താനും, വരദരാജനും കുപ്രസിദ്ധ ഗുണ്ടാ സംഘാംഗമായ കരിം ലാലയുടെ സുഹൃത്തുക്കള്‍ ആയിരുന്നു. കരിം ലാലയെ കണ്ടുമുട്ടിയത് മുതല്‍ ഗംഗുബായിയുടെ ജീവിതം മറ്റൊരു ദിശയിലായി. ഗുജറാത്തിലെ കത്തിയവാഡയില്‍ ഒരു സമ്പന്ന കുടുംബത്തിലായിരുന്നു.ഗംഗുബായി ജനിച്ചത്. യഥാര്‍ത്ഥ നാമം ഹര്‍ജിവനദാസ് കത്തിയവാഡി എന്നായിരുന്നു.ഒരു മികച്ച നടിയാകണമെന്നായിരുന്നു അവരുടെ ഏറ്റവും വലിയ ആഗ്രഹം ആ സമയത്ത്  വക്കീലായിരുന്ന അച്ഛന്റെ ഗുമസ്ഥനുമായി പതിനാറാം വയസില്‍ അവര്‍ പ്രണയത്തിലായി. വിവാഹത്തോടെ അവര്‍ മുംബൈയിലേക്ക് മാറി. എന്നാല്‍ ചതിയനും, വഞ്ചകനുമായ അയാള്‍ വെറും അഞ്ഞൂറ് രൂപയ്ക്ക് അവളെ കാമാത്തിപുരയില്‍ കൊണ്ടുപോയി വിറ്റു. അവിടെ വെച്ചാണ് ഗംഗുബായിയിലേക്ക് ഉള്ള അവരുടെ പരിണാമം.

ഒരു ഗുണ്ടാ നേതാവില്‍ നിന്നും ക്രൂര ബലാല്‍സംഘത്തിന് ഇരയായ ഗംഗുബായി ദിവസങ്ങളോളം വെള്ളം പോലും ഇറക്കാനാവാതെ കിടപ്പിലായി.അയാള്‍ മാഫിയ ഡോണ്‍ കരിം ലാലയുടെ സംഘത്തിലെ ആള്‍ ആയിരുന്നു.ആ സമയം  ഗംഗുബായി കരിം ലാലയെ കാണാന്‍ തീരുമാനിച്ചു. കരിം ലാലയെ കണ്ട് നീതി തേടുന്നതിനൊപ്പം അയാള്‍ക്ക് ഒരു രാഖി കെട്ടിക്കൊടുത്ത് സ്വന്തം സഹോദരന്റെ സ്ഥാനത്ത് അവരോധിച്ചു. നീചനായ ഭര്‍ത്താവിന്റെ വഞ്ചനയ്ക്ക് ഇരയായ അവര്‍ പിന്നീട് മുംബൈയിലെ ഏറ്റവും വലിയ പ്രതിഫലം വാങ്ങുന്ന ആളായി മാറി.സ്വന്തം സഹോദരിയെ പോലെ കണ്ടത് കൊണ്ട് അവരെ ഉപദ്രവിക്കുന്ന ആര്‍ക്കെതിരെയും തിരിയാന്‍ സന്നദ്ധനായിരുന്നു കരിം.ആ കാലത്ത്  മുംബൈയില്‍ ഏറ്റവും സ്വാധീനം ചെലുത്താന്‍ കഴിവുള്ള വ്യക്തിയായി മാറിയ ഗംഗുബായി ഹേരാ മണ്ഡി റെഡ് ലൈറ്റ് ജില്ലയില്‍ സ്വന്തമായി ഒരു സെക്സ് റാക്കറ്റ് നടത്തിയിരുന്നു.

aliagangubai...
aliagangubai…

വളരെ ശക്തരായ അധോലോകവുമായുള്ള അനുക്രമണമായ ബന്ധത്തിലൂടെ ചുവന്ന തെരുവിന്റെ സർവ്വാധികാരം ഗംഗുബായി പിടിച്ചെടുത്തു. റെഡ് ലൈറ്റ് സ്ട്രീറ്റില്‍ നിരവധി വേശ്യാലയങ്ങള്‍ നടത്തിയ അവര്‍ അതിന് ശേഷം  ‘കാമാത്തിപുരയുടെ മാഡം’ എന്ന് അറിയപ്പെട്ടു. അക്കാലത്ത് കറുത്ത ബെന്റ്ലി കാര്‍ സ്വന്തമാക്കിയ ഏക വേശ്യാലയ ഉടമയായിരുന്നു അവര്‍. ചുവന്ന തെരുവിന്റെ മേലുള്ള നിയന്ത്രണം ‘കാമാത്തിപുരയുടെ പ്രസിഡന്റ്’ എന്ന നിലയിലേക്ക് അവരെ എത്തിച്ചു ജീവിതത്തിന്റെ അവസാന കാലഘട്ടത്തില്‍ വേശ്യാവൃത്തിയിലേക്ക് തള്ളപ്പെട്ട സ്ത്രീകളുടെ അവകാശങ്ങളുടെ വ്യക്താവായി ഗംഗുബായി മാറി.കാമാത്തിപുര പ്രദേശത്ത് ആകെയുള്ള പ്രതിമയും ഗംഗുബായിയുടേതാണ്. ഒരു സമയത്ത് പ്രധാനമന്ത്രി നെഹ്രുവുമായി അവര്‍ കൂടിക്കാഴ്ച നടത്തിയിരുന്നു. റെഡ് ലൈറ്റ് പ്രദേശങ്ങള്‍ സംരക്ഷിക്കാനുള്ള ഗംഗുബായിയുടെ നിര്‍ദ്ദശത്തിന് അദ്ദേഹം അംഗീകാരം നല്‍കുകയും ചെയ്തു. ഗംഗുബായിയുടെ യഥാർത്ഥ ജീവിതം  ഇങ്ങനെയൊക്കെയാണെങ്കിലും സിനിമയിലേക്ക് എത്തുമ്പോൾ അത്  എന്താകും എന്ന് ആകാംക്ഷയിലാണ് ആരാധകർ.